الشروط والأحكام

1. الأسعار

كل الأسعار بالجنيه المصري وشاملة الضرايب.

مصاريف الشحن ثابتة لكل المحافظات وبتظهر في الشنطة قبل ما تأكد، والشحن مجاني لما تطلب العدد المكتوب في الشنطة أو أكتر.

سعر الطقم بيتحسب لوحده لما يكون في الشنطة توب وبنطلون من نفس الطقم.

2. تأكيد الأوردر

بعد ما تطلب، هنتواصل معاك على واتساب أو تليفون علشان نأكد. ممكن نلغي الأوردر لو مقدرناش نوصلك أو لو البيانات مش صحيحة.

لو الكمية خلصت بعد ما طلبت، هنكلمك نعرض عليك لون أو مقاس تاني أو نلغي القطعة دي.

3. الدفع

تقدر تدفع كاش للمندوب، أو تحول مقدم على InstaPay أو فودافون كاش وتاخد الخصم المكتوب في صفحة الدفع.

التحويل لازم يوصل قبل ما نشحن الأوردر.

4. الطلب المسبق

بعض المقاسات ممكن تتطلب حتى لو مش موجودة في المخزن. القطعة دي بتتجهز مخصوص وبتتشحن خلال المدة المكتوبة جنبها.

لو الأوردر فيه قطع موجودة وقطع طلب مسبق، هنكلمك ونتفق هنشحنهم مع بعض ولا كل واحدة لوحدها.

5. الاستلام ورفض الأوردر

افحص الأوردر قدام المندوب. لو في عيب أو غلط، ارفضه وكلمنا فورًا.

رفض أوردر سليم من غير سبب بيكلفنا شحن رايح جاي. الرقم اللي يرفض أوردرات بدون سبب ممكن نطلب منه الدفع مقدم في الطلبات الجاية.

6. الاسترجاع والاستبدال

تقدر تسترجع خلال 14 يوم من الاستلام، أو تبدل المقاس خلال 30 يوم، بشرط القطعة متلبستش ومتغسلتش وبالتيكت.

التفاصيل كاملة في صفحة الشحن والاسترجاع.

7. أكواد الخصم

كود واحد بس في الأوردر، وبيتحسب على سعر القطع بعد خصم الطقم.

كل كود ليه مدة وعدد مرات استخدام، وممكن يكون له حد أدنى للطلب. الكود اللي انتهى أو خلص مش بيتقبل.

لو استرجعت قطعة اتطلبت بكود، بنرجعلك المبلغ اللي دفعته فعلًا بعد الخصم.

8. المنتجات والصور

بنحاول الصور توضح اللون الحقيقي، بس ممكن يفرق شوية حسب شاشتك.

جدول المقاسات تقريبي وفيه فرق بسيط من قطعة للتانية.

9. التواصل

أي شكوى أو سؤال، ابعتلنا على واتساب وهنرد في أقرب وقت.